Sistemas operativos híbridos (2)

Na anterior entrega explicamos o que eran os sistemas operativos híbridos . Nesta veremos onde se conseguen e cómo se instalan.

En diferentes foros especializados coma zonablackberry ou blackberryos existen unha gran cantidade de versións oficiais e híbridas de moitos modelos de Blackberry para descargar de forma gratuíta. Seleccionaremos a última versión oficial do noso sistema operativo existente para o terminal (ex: Blackberry 8520 ) e a continuación un híbrido compatible co noso modelo (ex: WilliBoy Hibryd 6 para Blackberry 85xx)

Antes de nada recomendo facer unha copia de seguridade de tódolos datos do smartphone, non está de máis e pode axudar a recuperar datos do teléfono no caso de que se produza algún erro. Para iso , conectamos o Blackberry ó PC , iniciamos o Desktop Manager e seleccionamos "Copia de seguridade" .

A continuación escollemos o tipo de backup. A primeira opción fará un respaldo completo.

Instalamos a última versión oficial do noso sistema operativo:

Cando finalice facemos o mesmo co híbrido:

¡Ollo,non modifiques as rutas de instalación por defecto dos SO!

A continuación é recomendable facer un wipe, aínda que poderíamos saltarnos este paso.
Descargamos a aplicación BBSAK, conectamos (se non estaba anteriormente) o Blackberry ó PC, iniciamos o Desktop Manager e o BBSAK, onde faremos click en Connect.
Unha vez conectado,facemos click en Wipe Device:

Confirmamos...

E esperamos ata que finalice o proceso,sen desconectar nunca o teléfono


Esperamos a que o teléfono se acenda de novo sen tocalo nin desconectalo.Debería aparecer unha pantalla branca co texto "erro 507"

No BBAK seleccionamos Load OS

Abrirase o Load App de RIM :

Marcamos o noso PIN e seleccionamos as aplicacións a instalar


Tras varios reinicios xa teremos o noso sistema híbrido instalado, queda restaurar os datos salvagardados ó comezo co Desktop Manager

Na seguinte entrega os pros e contras e algún detalle de configuración básica

¿Wipe ?

A continuación tomo a liberdade de traducir do inglés a cita de Kevin Michaluk, blogueiro de Crackberry :

" En ocasións unha aplicación pode causar conflitos co Sistema Operativo (SO) do noso dispositivo Blackberry, o que pode dar lugar a unha variedade de erros e no peor dos casos o que se deu en chamar “The Hour Glass of Doom” en ingles, ou o Reloxo da morte. O equipo entra nunha secuencia de reinicio permanente, mostrando unha e outra vez o reloxo de inicio sen poder arrancar. Mentres o equipo estea nesta situación é difícil executar o cargador de aplicacións (App Loader) do Desktop Manager (DM) xa que o dispositivo non permanece aceso o tempo suficiente para que o DM o recoñeza: acéndese e apágase en ciclos de 2 segundos. Retirar a batería do dispositivo tampouco soluciona problema, o equipo está nunha espiral irrecuperable e é necesario reinstalar o SO. Aínda que proceso de Actualización, Upgrade e/ou Downgrade do SO é relativamente sinxelo, facelo podería invalidar a garantía do equipo. Levar o equipo nesta situación ó servizo técnico é a solución máis común aínda que para aqueles que non queiran esperar ou depender da dispoñibilidade do servizo técnico, existe outra opción..."

Esta opción chámase wipe e permitirá eliminar tódalas aplicacións e datos do noso Blackberry ,incluído o propio sistema operativo. Se temos curiosidade por instalar sistemas operativos non oficiais, híbridos ou betas será necesario facer un wipe xa que permite facer unha instalación limpa do sistema operativo.