Curiosidades #3#

• Para entrar no menú de enxeñaría dun terminal Blackberry debemos facer os seguintes pasos: ir á "Pantalla de axuda", pulsar a combinación alt + shift esquerda+h . Apareceremos nun menú oculto no que debemos anotar o valor do tempo de actividade(uptime) . A continuación descargamos a aplicación BBEscreen e enchemos o formulario cos datos solicitados.

Por último seleccionamos o tempo de duración que queiramos e pulsamos en get key. ¡¡ Non modifiques nada xa que o teu Blackberry podería non acenderse máis!!

• Cando a batería da Blackberry está a piques de esgotarse non é posible facer chamadas (unicamente chamadas de emerxencia ó 112) , xa que a radio permanece desactivada .É posible enganar ó dispositivo para poder usar a carga restante nunha chamada, mail ou mensaxe .Para iso debemos chamar ó 112 e pulsar o botón de colgar repetidamente para evitar que esta se produza. Deste xeito a radio permanece activa para poder recibir/facer chamadas.

• Podemos saber se unha Blackberry está liberada seguindo os seguintes pasos:Opcións, Opcións avanzadas, Tarxeta Sim e escribir MEPD ( os usuarios das series 71xx e 81xx deberán introducir MEPPD). Se tódalas entradas aparecen marcadas coma desconectadas, significará que o terminal está liberado.

• Para escribir unha letra en maiúscula, tradicionalmente debemos premer a tecla shift + letra desexada. Un atallo é pulsar directamente a tecla durante uns segundos.

• Podemos sacar fotos de xeito moito máis rápido se prememos o botón da cámara (lateral dereito do Blackberry) duas veces consecutivas.

Tipos de reset

En moitas ocasións os usuarios de Blackberry podemos escoitar termos coma soft reset ou hard reset... ¿sabemos a diferenza real entre eles? Se falamos de master reset ou double soft reset...seguro que máis de un xa estará completamente perdido.

• Un hard reset(hardware reset) ou battery pull é un procedemento mediante o cal tódalas aplicacións quedan detidas e se produce un reinicio do dispositivo. Cando a Blackberry se volve a acender , tódolos programas están pechados evitando que algún quede residente e que se poidan quedar colgados. Xeralmente aplícase cando o terminal non responde correctamente, anda demasiado lento ou existen problemas de rede. Non se eliminan configuracións ou datos. O procedemento a seguir é o seguinte: extraer a batería, esperar 30 segundos e colocar de novo a batería.

• Un soft reset (software reset) ten os mesmos resultados que o anterior pero a diferencia está en que non é necesario a extracción da batería. Non se eliminan configuracións ou datos. Está dispoñible para os terminais dotados de teclado físico QWERTY ou similar xa que require a pulsación dunha combinación de 3 teclas. Segundo RIM non se debe facer nos terminais dotados da tecnoloxía de pantalla táctil SureType ou SurePres, así coma nos terminais das series Pearl, Flip ou Storm. O procedemento é o seguinte : premer simultanemanete as teclas Alt+Shift dereito+Del (nalgúns modelos space ).
  

Existen aplicacións coma RestartMe , SoftReset ou quickpull que fan un softreset de forma automática sen necesidade de usar o teclado. En moitas ocasións ,dependendo da versión do sistema operativo ou do smartphone, o led pode quedar a palpebrar .A través dunha aplicación gratuíta chamada LedReset o led volve a funcionar correctamente.

• Master reset: esta funcionalidade elimina tódalas aplicacións instaladas polo usuario e datos , volvendo a un estado de fábrica . O procedemento é o seguinte -dependendo da versión do OS pode lixeiramente variar ) : ir a opcións , opcións de seguridade, borrado de seguridade e seleccionar " Correos electrónicos, contactos " + "Aplicacións instaladas polo usuario"e escribir a palabra de seguridade : blackberry no espazo dispoñible. Tamén se pode facer vía Desktop Manager usando a opción eliminar datos.
  

• Double soft reset : nalgúns foros especializados coma Crackberry fálase deste tipo de reset. Os resultados son os mesmos ca un hard ou soft e consiste en pulsar simultaneamente a combinación de Alt+Shift dereito+Del, o que producirá que a pantalla se quede en cor branca durante uns segundos .Cando a pantalla se restaure, inmediatamente repetir a combinación anterior Alt+Shift dereito+Del.

Info extraída en parte a través do boletín B-KB02141 (BlackBery Knowledge Base)