Unboxing da BlackBerry PlayBook de 16 GB

¡Mini teclado para BlackBerry PlayBook!

Os usuarios de Blackberry Playbook están de sorte pois un novo accesorio acaba de ser presentado: ¡un mini teclado QWERTY completo!

RIM volve a sorprender e para ben. Ademais do lixeiro peso e do seu coidado deseño - vai acompañado dunha estética funda- ,o teclado convértese nun accesorio moi poderoso para aumentar a produtividade ó combinar características adicionais coma as capacidades de rato e touchpad ou o recoñecemento de xestos.

O teclado dispón da súa propia batería de longa duración -ata 30 días- e emprega unha conexión micro-USB para se conectar directamente coa tablet.Cómpre destacar que a conexión coa Playbook realízase de xeito inalámbrico:Bluetooth combinado cun cifrado de 128 bits para nos garantir a seguridade da transmisión de información entre ambos dispositivos.

Se estades interesados, podedes atopar información detallada nesta web .Por certo, o prezo ronda os 92 €.

Blackberry Innovation Forum: o resultado

Durante o Blackberry Innovation Forum, celebrado ó longo destes días, tivemos oportunidade de contemplar algúns exemplos de aplicacións nativas para a nova versión do Blackberry PlayBook (2.0) .As seleccionadas foron un xestor de correo electrónico, unha axenda de contactos e un calendario.

Durante a demostración cómpre destacar dous puntos: a incrible fluidez con que foron executadas as aplicacións e os novos deseños ,en especial da axenda, baseada no xestor de contactos Gist.A presentación de aplicacións nativas de xeito oficial será aproximadamente o 17 de febreiro do vindeiro ano.

Fonte:BlackberryCool