Mallando na BlackBerry

Teclados en 3D en Blackberry OS 10

2012-02-17T07:00:00.000+01:00

Nas últimas semanas, os rumores sobre o novo sistema operativo,Blackberry OS 10, non fan máis ca medrar.Hoxe, segundo o blogue americano N4BB ,RIM estaría a traballar nun novo tipo de teclado virtual en 3D, baseado na chamada "realimentación de vibración", unha tecnoloxía relacionada coa retro-alimentación háptica.

A empresa responsable do deseño sería TAT e se estaría empregando unha tecnoloxía moi semellante á de TAT Cascades.Para facermos unha idea, aquí unha pequena mostra desta tecnoloxía , a cal permite a integración da realidade aumentada nas aplicacións:

Á falla de máis datos que verifiquen ou desmintan este rumor, deixámosvos a imaxe da polémica, a cal deu pé a tódalas especulacións:

Primeiras imaxes de Blackberry OS 10

2012-02-15T07:00:00.000+01:00

As primeiras imaxes de terminais Blackberry correndo a nova versión do Blackberry OS -10.0- están circulando pola rede grazas ó blogue norteamericano crackberry. Segundo RIM, o novo sistema operativo está deseñado para aproveitar ao máximo a potencia dos terminais , ofrecendo funcionalidades avanzadas de multitarefa,xestión de memoria en tempo real ou aforro de batería dinámico.

De momento, o que está claro é que o aspecto gráfico foi totalmente re-deseñado.Do mesmo xeito que Android ou WindowsPhone, os widgets xogarán un papel importante na pantalla de inicio, brindándonos un acceso máis rápido e cómodo ás aplicacións máis empregadas.

Nesta outra imaxe, pódese observar a nova bandexa de entrada, a cal nos lembra bastante o deseño da aplicación análoga do PlayBook 2. Mención o feito de que os contactos de correo electrónico están completamente integrados na axenda, dun xeito similar ó que fai Android coa sincronización do caderno de direccións de GMail.

A última das imaxes filtradas mostra a pantalla de chamada: ás tradicionais opcións de altofalante e chamada, únense as posibilidades de videoconferencia ou de realizar anotacións no rexistro do contacto.

A falla de máis filtracións, o que está claro e que tralas polémicas xeradas coa sustitución do seu presidente executivo, RIM quere estar na boca de todo o mundo tecnolóxico, e nada mellor para conseguilo que con novidades coma esta.

Blackberry Trade up: actualiza a túa Blackberry

2012-02-14T07:00:00.000+01:00

¿Apetéceche renovar a túa Blackberry? Grazas ó programa Blackberry Trade up , poderás facerte cun dos últimos terminais de xeito totalmente gratuíto ou por moi poucos cartos.Entre os modelos dispoñíbeis atópanse terminais de "ultísima" novidade coma os 9360, 9380, 9900, 9792 ou 9780... aínda que a súa disposición varíará dependendo do país de orixe. De feito, este servizo atópase unicamente - e desgraciadamente- dispoñible nos seguintes : USA, Reino Unido, Canadá e Australia .

O proceso comeza seleccionando nunha listaxe o noso modelo e completando un cuestionario breve sobre as condicións nas que se atopa. A continuación , seleccionamos noutra listaxe a compañía telefónica e introducimos , no caso de ter, o código promocional pertinente. O precio de cada terminal dependerá de varios factores:

Modelo actual de Blackberry actual
Estado e condicións da Blackberry que posuímos
Cantidade de Blackberry actuais.
Compañía telefónica á que esteamos asociados
Códigos promocionais
Modelo de Blackberry que nos gustaría ter

Evidentemente as dúas primeiras condicións "caen de caixón" : non tódolos terminais están valorados do mesmo xeito e o estado de conservación do dispositivo é moi valorado (pantalla sen "rallóns", boa funcionalidade, teclado sen corrosión...) O seguinte ponto está referido ós usuarios que dispoñan de varios modelos : poderán obter un maior desconto nunha Blackberry específica ou obtar a máis dun terminal a renovar. Finalmente, dependendo da compañía telefónica á que esteamos asociados - por exemplo a compañía T-Mobile esta ofrecendo "cupóns" para a actualización de terminais dun xeito semellante - e da fidelidade , obteremos unha maior puntuación.

Fagamos un exemplo supoñendo que habitamos no Reino Unido: a miña Blackberry 8900 -en perfecto estado- e pertencente a Vodafone permitiríame actualizarme por aproximadamente 43 euros ó modelo 9900 - cuxo prezo en Vodafone España libre é de + de 400 € -

¿Para cando no resto de países europeos?

Blackberry 9780

2012-02-10T07:00:00.000+01:00

A Blackberry 9780 é un deses smartphones que entran polos ollos. Xunto ó refinado deseño, agóchanse prestacións moi potentes, de feito, estamos ante un terminal de gama alta e orientado ó mundo executivo.

Cunha simple ollada, pódese dicir que este smartphone é unha "versión vitaminada" do modelo 9700. Concretamente o procesador, a memoria e a cámara sufriron a meirande parte das modificacións : 624 Mhz apoiados en 512 MB de memoria extensible e cámara de 5 MPx con flash LED ,son máis que suficientes para que o Blackberry OS 6.0 - incorporado de serie - se mova con fluidez. Segundo RIM, a pantalla HVGA de 2.44 polgadas é mellor - ou polo menos teoricamente - ca dos dispositivos predecesores, aínda que a resolución de 480×360 píxeles xa se empeza a quedar curta.

Como novidade no tocante á conectividade, cómpre mencionar que o soporte das redes 3G vén acompañado coa tecnoloxía Wi-Fi compatible con chamadas VoIP baixo a tecnoloxía UMA.

¿Zelda no AppWorld?

2012-02-09T07:05:00.001+01:00

De seguro que este título provocou a máis dalgún un sorriso involuntario, e non é para menos xa que a saga Zelda é unha das máis populares e con máis seguidores do mundo dos videoxogos, e sigue estando de moda. Tal é o seu éxito que foi adaptado a moitas plataformas , dende as primeiras versións para as consolas portátiles, pasando pola N64 ,3DS e agora tamén para Blackberry.

Tal e como nos comenta o noso compañeiro Agos Reigosa ,o título atopouse dispoñible no App World ata fai unhas semanas aínda que pode que non nas mellores condicións : o feito de que non viñera da man de Nintendo senón por parte da firma GameVNS , se executase a través dun emulador e non contase con licenza oficial puideron ser factores que condicionasen a súa "supervivencia" no mercado de aplicacións de RIM.

¿Debería RIM considerar no AppWorld a existencia deste tipo de xogos - executados a través de emuladores-? Dende Mallando na Blackberry estamos completamente convencidos, aínda que a cambio fose necesario realizar a compra da aplicación, pois de seguro a máis dun nostálxico lle faría ilusión recordar os "vellos tempos" botando unha partida.

Polo de agora, tal e como comentamos fai algún tempo, segue sendo posible gozar destes clásicos dun xeito máis "extraoficial" ;)

Blackberry DevCon : Amsterdam

2012-02-08T07:00:00.000+01:00

Os eventos de Blackberry sempre son esperados e máis se se tratan dos DevCon -Developers Conference- pois neles é onde RIM acostuma a presentar algunha novidade ou liñas a seguir. De feito, nestes días estase a desenvolver o evento europeo en Amsterdam .

O novo CEO Thorsten Heins foi o encargado de realizar a presentación no día de onte: máis de 2000 asistentes procedentes de toda Europa, África e Oriente próximo aprenderán a aproveitar ó máximo as posibilidades da plataforma Blackberry e continuar a crear aplicacións de alta calidade non só para os famosos smartphone, senón que tamén para a tableta PlayBook.

O feito é que o PlayBook non conseguiu, a día de hoxe , atopar unha posición destacada no mercado das tablets. A falla dunha cantidade de aplicacións específicas ou dunha orientación adecuada cara o consumidor fixeron que o proxecto case remate en traxedia.

Consciente desta situación, o novo presidente executivo tomou cartas no asunto: o DevCon profundará na creación de aplicacións baseadas nas novas tecnoloxías HTML5 e C/C++ para espremer ó máximo tódalas posibilidades- tanto potenciais coma visuais- dos terminais.

Para fomentar esta visión, os asistentes recibirán unha tablet PlayBook para que poidan desenvolver máis e mellores aplicacións.Non nos esquezamos que tamén presentarase a folla de ruta para o tan esperado OS10.

Test de resistencia das Blackberry

2012-02-07T07:00:00.000+01:00

Grazas ó material publicado en Inside Blackberry Inside podemos observar como son feitos os test de resistencia que tódolos productos Blackberry deben superar para ofrecer ó usuario final a mellor calidade. Test de humidade, de presión ou eléctricos son algunhas das moitas probas a superar.

Blackberry 9360

2012-02-06T07:00:00.000+01:00

Elegante, social e intelixente. Esas son as características coas que RIM define a un dos seus últimos lanzamentos. Dotado dun procesador Qualcomm a 800 Mhz e 512 MB de memoria, este terminal de gama media está orientado a un público preferentemente mozo.

Por esta razón a conectividade e a cámara adoitan unha especial atención: o Blackberry 9360 conta con conexión 3G HSPA ,Wi-Fi 802.11 b/g/n, Bluetooth e A-GPS, así como soporte integrado para NFC. Cámara de 5 Mpx con estabilizador de imaxes,detección de rostros e grabación de vídeo en alta definición completan as características máis salientables.

A pantalla de alta resolución LCD-TFT HVGA+ de 480x360 píxeles e o sistema operativo Blackberry OS 7 , bastan como para cumprir o obxetivo deste terminal: redes sociais e conectividade.

Conceptos para soñar

2012-01-31T07:00:00.001+01:00

Blackberry e deseño son conceptos inseparábeis, ou polo menos así pensan moitos dos usuarios que se adican a crear novos modelos - conceptos - de terminais futuristas. A característica común a todos eles é a máis avanzada tecnoloxía cos que están dotados: Blackberry X/QNX, procesadores QuadCore, baterías de alta capacidade... Se ben algún deseño non non deixa de ser extravagante, hainos bastante convincentes. De momento son conceptos para soñar, nun futuro , quen sabe...

Blackberry Bold-X

Blackberry Xifos

Blackberry Knight

Blackberry Dreamy

Blackberry Future

Blackberry Spin Slider

Blackberry Pocket

Características e máis deseños poden ser atopados aquí

Segredos no AppWorld

2011-12-21T07:00:00.000+01:00

Fai pouco dende Mallando na Blackberry comentábamos a nova versión -3.1.0.56- do Blackberry AppWorld lanzada á beta zone.Ademais das novidades presentadas coma unha compatibilidade con redes Wi-Fi ou o sistema de regalos, unha serie de "ferramentas especiais" non foron reveladas por parte de RIM. ¿ A razón? ¡Quizais estaban a esperar que algún de nós as descubrísemos!

Estas "ferramentas" están orientadas teoricamente a facilitar a labor do servizo técnico no caso de se producir algunha incidencia no AppWorld.

ALT+SSS: se se produce un error durante o proceso de compra dunha aplicación no AppWorld, basta pulsar esta combinación de teclas para obter un ficheiro "log" e unha captura de pantalla do erro acontecido.Isto pode ser adxuntado nun correo electrónico para envialo ó servizo técnico de RIM.

ALT+LOG+LOG:Esta combinación produce un ficheiro de rexistro con información sobre o smartphone: localización, versión instalada de aplicación, data,hora ,operador de telefonía, modelo, PIN...

Neste vídeo pódese observar cómo acceder ás funcionalidades antes citadas:

Vía:MacBerry

PinShare: a nova moda

2011-12-20T07:00:00.000+01:00

Xa está dispoñible no AppWorld de Blackberry a aplicación PinShare, destinada a cambiar o xeito de relacionarse na rede.

Esta aplicación é a primeira (e de momento única) que permite coñecer coñecer xente e ampliar o teu círculo de contactos a través da plataforma Blackberry.

O funcionamento está baseado en que cada terminal Blackberry está asociado de xeito exclusivo a un identificador chamado PIN, polo que a interacción con esta "rede social" realízase sincronizándose a través del, o que nos permite observar os diferentes perfiles de usuario. Basta seleccionar a opción "Connect" para conversar de xeito seguro. Unha vez conectado o chat lévase a cabo a través do BBM.

Blackberry AppWorld 3.1.0.56

2011-12-19T07:00:00.000+01:00

Unha nova versión -3.1.0.56- do AppWorld recén cociñada do forno de RIM sae á luz na zona beta.As novidades máis salientables son:

regalo/pedido: ¡agora regalar unha aplicación a algún amigo é máis doado ca nunca! Basta con ingresar no Appworld e seleccionar a aplicación desexada e pulsar sobre "gifting".Do mesmo xeito, tamén será posible facer unha lista das aplicacións desexadas -"begging"-...por se algún se anima a mercarchas.
valoración de contidos: é posible valorar o nivel de madurez dunha aplicación do mesmo xeito ca no Android Market
soporte WiFi: agora poderase facer uso do AppWorld con ter dispoñibilidade dunha conexión WiFi
soporte de linguas:chino simplificado e tradicional, vietnamita e holandés son as novas linguas engadidas á aplicación

Máis información aquí

Spam no Twitter!

2011-12-15T07:00:00.000+01:00

Entre as cousas máis molestas á hora de navegar pola rede, o spam ocupa o primeiro posto . Non nos referimos unicamente ós tradicionais mensaxes de correo electrónico, senón que o auxe novas tecnoloxías e a evolución das redes sociais están a provocar que tamén nestes medios se popularicen os 'bots' en forma de usuarios . ¡Facebook, Twitter e compañía non están a salvo!

Non é extrano en Twitter atopar que fomos mencionados -pestana "@Mencións" - por unha persoa totalmente descoñecida.O mensaxe é simplemente un link acurtado que nos suxire visitar certa web....¡de publicidade!

A solución que propoñemos baséase en :

Bloquear a ese usuario
Empregar a opción de reportar abuso dende o cliente Twitter da nosa Blackberry

En efecto,a última versión de Twitter para Blackberry incorpora por vez primeira a opción de reporte de spam. Basta visualizar un perfil de spammer ,seleccionar dende o menú da Blackberry a opción de denuncia e confirmar.

Primeiras imaxes da Blackberry Milan e da Blackberry London

2011-12-14T07:00:00.000+01:00

Os novos prototipos de Blackberry son tan cosmopolitas que foron bautizados cos nomes de dúas importantes capitais europeas.

Na imaxe superior podemos observar como a Blackberry London luce un aspecto bastante semellante -polo menos teoricamente- ó dun Samsung Galaxy S 2, polo que de seguro que hai máis dunha similitude con este terminal a nivel tecnolóxico.

De feito,algúns rumores apuntan a que este terminal albergaría un procesador de dobre núcleo a 1.5 Ghz e ata 1 GB de memoria RAM. A pantalla táctil cobrará especial importancia aínda que de momento nada se sabe sobre a súa resolución e tamaño. Cámaras de 8 e 2 Mpx (traseira, dianteira ) e un chipset NFC son outros dos poucos datos trascendidos.

Nesta outra imaxe podemos observar a Blackberry Milan. O único que podemos asegurar é que este modelo combinará o tradicional un teclado QWERTY deslizante - e vertical - e unha pantalla completamente táctil de resolución e tamaño lixeiramente inferior á pantalla do modelo London.

Seguimos á espera de máis novidades.

Blackberry X vs Blackberry 10

2011-12-13T07:00:00.000+01:00

Outra denominación máis para a nova plataforma de RIM. Tal e como comentábamos fai algún tempo a plataforma QNX, evolucion do Blackberry OS, cambiaba a súa denominación oficial por BBX. Como xa intuíamos, a existencia de problemas legais non tardaría en chegar debido ó feito de que que BBX era unha marca rexistrada a nome da empresa BASICS International.

Como era de esperar , os xulgados non arbitraron a favor da empresa canadense, polo que foi necesario renomear - en realidade por terceira vez - todo o proxecto a Blackberry 10. Isto non afectará ó proceso de desenvolvemento, sen embargo , dende Mallando na Blackberry cremos que é un inoportuno e grave erro de seriedade para unha empresa do calibre de RIM.

De tódolos xeitos,non hai moita diferenza entre unha X e un 10 ¿verdade?

Perigra o BBM en Indonesia

2011-12-12T15:17:00.003+01:00

Indonesia está que ferve. A decisión de RIM de construír un novo servidor de datos en Singapur non sentou nada ben ao goberno indonesio.De feito, o Consello de Telecomunicacións deste país está ameazando con terminar cos servizos máis populares de RIM: o uso do Blackberry Messenger (BBM) e do Blackberry Internet Service (BIS).

A problemática ten a súa orixe no feito de que o novo servidor estará situado noutro país polo que as autoridades indonesias non poderán "controlar" adecuadamente os contidos ós que os usuarios acceden, comprometendo a seguridade no intercambio de datos cos usuarios.

¿Tratarase dunha manobra de presión á compañía canadense ? A esperar pois...

W-Fi Hotspot + Blackberry OS 7.1

2011-11-29T07:00:00.000+01:00

A primeira actualización do Blackberry OS 7.1 acaba de aterrar.A versión 7.1.0.74 atópase polo momento dispoñible para o modelo Blackberry Bold 9900 e engade entre outras novidades, o soporte a Wi-Fi Hotspot, é dicir, a capacidade de compartir a conexión inalámbrica da túa Blackberry con outros dispositivos ó teu arredor - ata agora era posible facer unicamente un thetering inverso - .

Os interesados en probar esta actualización poden descargala aquí.

Vía: Berrydroid, Crackberry

Blackberry Music en España e Italia

2011-11-28T07:00:00.000+01:00

¡Por fin! De seguro que máis de un usuario estaba desexando escoitar que o servizo de música de Blackberry - BBM Music- acaba de aterrar en España e Italia. De feito, dende hai dous días, era posible o acceso con total normalidade á nova versión da aplicación compatible con estes países.

Para aqueles que aínda non coñezan de que estamos a falar, BBM Music é un servizo social integrado no Blackberry Messenger que permite escoitar música - inclusive offline -, crear listas coas túas cancións favoritas e compartilas cos teus amigos. A música seleccionada polos teus contactos tamén estará dispoñible para ti, polo que ¡canto maior sexa o teu número de amigos máis música estará ó teu alcance!.

A aplicación é gratuíta e dispón dun mes de subscrición de demostración .Tras este tempo, para poder acceder a tódalas características, será necesario actualizarse á versión de pago (3.5 € mensuais).

Máis información pode ser atopada nas seguintes ligazóns : 1 , 2

Blackberry Innovation Forum: o resultado

2011-11-23T07:00:00.000+01:00

Durante o Blackberry Innovation Forum, celebrado ó longo destes días, tivemos oportunidade de contemplar algúns exemplos de aplicacións nativas para a nova versión do Blackberry PlayBook (2.0) .As seleccionadas foron un xestor de correo electrónico, unha axenda de contactos e un calendario.

Durante a demostración cómpre destacar dous puntos: a incrible fluidez con que foron executadas as aplicacións e os novos deseños ,en especial da axenda, baseada no xestor de contactos Gist.A presentación de aplicacións nativas de xeito oficial será aproximadamente o 17 de febreiro do vindeiro ano.

Fonte:BlackberryCool

Novidades Varias

2011-11-21T07:00:00.000+01:00

Blackberry Desktop Manager para Mac foi actualizado á versión 2.2.0.1. Esta actualización engade soporte para os novos terminais Blackberry 9380 e 9790 dende a versión anterior ( v.2.2.0.17)

O servizo Blackberry Music atópase accesible dende UK e México. Lanzado inicialmente en Canadá ,Australia e USA fai algún tempo, comeza a extenderse polo resto de países . ¿Demasiado longa a espera? Servizos de música en streaming coma Spotify estanse a converter en alternativas moi poderosas...

Algúns usuarios dos modelos Blackberry 9900 e 9930 están a experimentar algún bug que lles impide acender os teléfonos con normalidade.A pesares de que o número de usuarios afectados non é significativo, RIM está a traballar nunha actualización que solucione o problema

PatternLock

2011-11-17T07:00:00.000+01:00

Existe unha forma moito máis rápida de desbloquear os nosos smartphone sen acceder ó botón de bloqueo.Orixinal dos dispositivos Android ,a nova versión de PaternLock pórtase ós novos terminais táctiles de Blackberry.

O seu funcionamento é intuitivo:a configuración básica consiste en debuxar sobre a pantalla unha secuencia denominada "patrón" que nos permitirá bloquear/desbloquear o dispositivo.

Outras características destacables son:

Numerosas opcións de bloqueo automático
Bloqueo de aplicacións individuais na pantalla de chamada ou en todo o dispositivo
Imaxe de fondo personalizada, e alta capacidade de personalización
Mostrar notificacións na pantalla de bloqueo
Mostrar información metereolóxica con BerryWeather 2.2 +

PatternLock está dispoñible para Blackberry con pantalla táctil a un prezo aproximado de $1.99 (1.5 €) no BlackBerry AppWorld.

¿ NFC?

2011-11-16T07:00:00.000+01:00

NFC son as siglas de Near Field Communication - comunicación de campo próximo-. Trátase dunha tecnoloxía inalámbrica pensada para dispositivos e teléfonos móbiles que funciona na banda dos 13.56 Mhz. A súa utilidade radica en que permite establecer comunicacións instantáneas entre equipos e persoas, polo que o seu emprego céntrase nos sistemas de seguridade/identificación.A pesares de dispor dunha velocidade de comunicación elevada, o seu rango de uso máximo está limitado ós 20cm.

O NFC pode traballar en dous modos:

Activo:dous equipos con NFC intercambian datos xerando campos electromagnéticos

Pasivo:un só equipo activo aproveita o campo magnético do outro para intercambiar información.

A incorporación desta tecnoloxía ós smartphone abriu un amplo abanico de posibilidades, entre elas o pago mediante o propio teléfono, tarxetas de embarque nos aeroportos ,entradas para concertos...

Espérase que nun futuro próximo sexa habitual empregar os nosos smartphones para realizar moitas das tarefas habituais de xeito moito máis sinxelo. De momento Blackberry vén incorporando nos seus últimos terminais (9900,9930...) esta tecnoloxía.

Igualdade de condicións

2011-11-15T07:00:00.000+01:00

Son milleiros os usuarios de Blackberry en todo o mundo mais non todos teñen acceso a tódolos servizos dispoñibles. Sen máis, o Blackberry App World - o portal oficial que nos permite descargar novas aplicacións -non está dispoñible nalgúns países .Hoxe, tras moitos anos de espera, varios países africanos - Camerún, Costa de Marfil, Madagascar, Malawi, Mauricio, Mozambique, Uganda, República Democrática do Congo e Lesotho. - accederán por vez primeira ó AppWorld. ¡Benvidos!

Carga a túa Blackberry coa WiFi

2011-11-10T07:00:00.001+01:00

¿A quen non se lle esgotou a batería nun mal momento? En moitas ocasión non ter á man o cargador ou o tempo suficiente pódenos levar a que a batería se esgote xusto no momento no que máis inoportuno. Con Airnergy poderemos empregar a enerxía das redes Wi-Fi como fonte de enerxía para cargar a nosa batería.

Airnergy é un pequeno dispositivo recolector que é capaz de obter e almacenar enerxía eléctrica das sinais Wi-Fi do noso arredor para logo transferila a calquera dispositivo compatible con micro-USB, como os smartphone. A velocidade e a capacidade de recarga dependerán directamente do número de sinais Wi-Fi dispoñibles, deste xeito, canto maior sexa o número de sinais existentes, a velocidade e a cantidade de enerxía recargable será maior.

No vídeo pódese comprobar como a batería dunha BlackBerry é cargada ata un 30% da súa capacidade nuns 90 minutos, pero segundo algunhos foros da rede, este dispositivo tería prestacións máis inferiores ás anunciadas pola empresa comercializadora xa que as sinais inalámbricas xeradas nos routers están limitadas en potencia por motivos de seguridade.O prezo indicativo sitúase nuns 35-40 €.

¿BBM caído de novo?

2011-11-08T07:00:00.000+01:00

Segundo a declaración realizada por RIM no día de onte,

RIM Statement - November 7, 2011: There was a global Internet issue this morning that impacted a number of Internet Service Providers (ISP) around the world. RIM's BlackBerry Infrastructure was not impacted however, some customers may have experienced delays with their ISP. RIM continues to monitor the situation.

problemas nos diferentes proveedores de servizos (ISP) provocaron que en determinados países os servizos de Internet e BBM de Blackberry fallaran. Esta vez, a infraestrutura de servidores canadense non se viu afectada , polo que non se prevé que esta situación se extenda durante máis dunhas poucas horas.

Unha nova caída dos servizos a nivel global sería simplemente catastrófica ,por iso, os foros especializados están á espera dunha nova nota oficial da compañía que aclare a situación. De momento, non se mostraron incidencias no servizo BIS en España.

Blackberry Porsche 9981

2011-11-07T07:00:00.000+01:00

Case dous meses atrás, mostrabamos as imaxes dun peculiar modelo de Blackberry, de feito, a chamamos "a fea"... nada máis lonxe da realidade, pois a Blackberry Porsche Design P'9981 acaba de ser presentada.

Un segredo de deseño, isto é o adxectivo co que a prestixiosa firma automobilística Porsche define ó seu novo"fillo". A Blackberry Porsche trátase dun teléfono de luxo, cun deseño innovador e diferenciado,realizado con materiais de primeira calidade como coiro ou aceiro inoxidable. E cando dicimos de luxo, non só nos referimos ó exterior, pois as especificacións técnicas foron tamén coidadas ó máximo.

O corazón do terminal está formado por un procesador Qualcomm Snapdragon MSM8255 a 1.2Ghz e por unha memoria RAM de 768 MB.A memoria interna de 8GB é máis que suficiente para almacenar centos de fotos e vídeos procedentes da cámara de 5 Mpx con capacidade de grabación en alta definición -720p-.

O tradicional teclado QWERTY é complementado cunha pantalla LCD capacitiva -táctil- de 2.8 polgadas de diagonal e resolución de 640×480 píxeles.A calidade da imaxe é tal que a tecnoloxía empregada foi bautizada dende RIM como Liquid Graphics.

O software non ía a ser menos: o sistema operativo Blackberry 7 - con interface personalizada por Porsche -encargarase de sacar partido ás últimas tecnoloxías de realidade aumentada, navegación- GPS tradicional e compás dixital - e soporte para NFC.

A edición limitada Blackberry Porsche estará dispoñible a finais deste ano e cun prezo aproximado de 2000 $ (1450 € ).

Blackberry 9900: unboxing e prezos

2011-11-04T07:00:00.001+01:00

Co lanzamento da Blackberry 9900, os primeiros vídeos sobre o unboxing do terminal xa comezan a circular pola rede. ¡Que sorte teñen os canadenses de poder gozar dos novos lanzamantos antes ca maioría !

En España ,xa é posible conseguir o smartphone coa compañía Vodafone, aquí unha táboa de prezos con portabilidade:

BBM deixa de ser beta

2011-11-03T07:00:00.000+01:00

Despois dunha grande espera, o servizo social de música de Blackberry- BBM-, deixa de ser unha versión en probas para se consolidar no mercado .Os usuarios de USA,Canadá e Australia poderán dende hoxe gozar de xeito completo desta plataforma.

Segundo as previsións oficias ,espérase que un elevado número de usuarios proben a experiencia, subscribíndose á modalidade premium (4.99$-3.65 €).Para dar a coñecer o servizo, existirán versións de avaliación premium completamente gratuítas por un tempo limitado (entre 1-2 meses dependendo do país) e subscripcións gratuítas- coa limitación de 30 visitas previa das cancións-.

Noticias Varias

2011-11-02T07:00:00.000+01:00

BB Music entra en estado de mantemento dende hoxe. Segundo a nota de prensa oficial , espérase que en poucas horas se recupere de novo o servizo con total normalidade.

Finalmente o próximo 6 de Novembro, a compañía de servizo telefónicos americana AT&T lanzará os tan esperados modelos Blackberry Bold 9900 e Torch 9860 a prezos aproximados de 199.99$ (146 €) e 99.99$ (73 €) con contratos de permanencia de 24 meses.

O lanzamento da Blackberry Torch 9810 coa compañía T-Mobile producirase o próximo 9 de Novembro.Nese mesmo mes e poucas semanas despois - o día 20 -, sairá ó mercado o modelo Blackberry 9360, a mans da compañía AT&T.

Os amantes das compras por Ebay están de sorte pois a nova versión da aplicación -2.0.0.47- para Blackberry xa se atopa na App World .Entre as melloras atópase un maior control sobre os artigos mercados/vendidos no menú de xestión .

Novas imaxes da Blackberry Bellagio saen hoxe á rede. As especificacións seguen sendo unha incógnita aínda que posiblemente sexan moi similares ás da Blackberry 9900.A galería está dispoñible aquí.

Blackberry Enterprising Minds (2)

2011-10-31T07:00:00.001+01:00

Tras a publicación dun primeiro vídeo sobre ideas conceptuais, RIM volve a ofrecernos outro adianto, esta vez centrado no servizo de atención ó cliente e na integración cos diferentes dispositivos.

Blackberry Enterprising Minds

2011-10-28T07:00:00.000+02:00

¿En que anda a traballar RIM? No día de hoxe filtrouse un vídeo conceptual que mostra as ideas teóricas sobre a evolución futuros dispositivos e a reorientación da compañía. Segundo se comenta na rede, o deseño nacería do pasado Blackberry Innovation Forum , acontecido a comezos de mes.

O BlackBerry Innovation Forum é un conxunto de eventos que teñen lugar en toda Europa, Oriente Medio e África, e que reúne a líderes empresariais e innovadores coa intención de definir as próximas pautas de deseño e innovación.

A pesares de que o concepto mostrado no vídeo aínda se afasta bastante da realidade , pode ser unha proba do que nos atoparemos no mercado quizais nuns poucos anos. ¿A quen non lle gustaría ter un Blackberry con teclado virtual láser ? :)

PS: de momento , algúns exemplos con teclados láser virtuais que se comercializan hoxe en día

Proba a Blackberry Playbook 2.0 no teu PC

2011-10-27T07:00:00.000+02:00

Grazas ás novas tecnoloxías é posible "probar" en primeira persoa o funcionamento dalgúns dispositivos sen a necesidade de mercalos.Isto é posible grazas a máquinas virtuais e emuladores , moi empregados polos programadores de aplicacións. Deste xeito pódese observar o comportamento de aplicacións en novos terminais e corrixir os bugs existentes.

No seguinte vídeo, o virtualizador do Blackberry PlayBook para os nosos PC.

¿Que Blackberry mercar?Storm 9520

2011-10-26T07:00:00.001+02:00

Redes soportadas : Cuatribanda 850/900/1800/1900MHz GSM/GPRS/EDGE

Memoria:256MB de RAM e 2GB de memoria interna, ampliables ata 16GB mediante con MicroSD.

Procesador: ¿624 MHz?
Sistema operativo base:5.0
Pantalla:Pantalla táctil de 480x 360 pixel, TFT capacitivo, 65K cores

Cámara: 3.2 MP con flash, auto focus, estabilización de imaxe e zoom dixital 2X

Conexións:WiFi, Bluetooth, Modem anclado
Batería e cargador:batería Li-Ion de 1400 mAh, tempo medio de espera 305 h (2G) / ata 280 h (3G) .Tempo de conversación de 5 h (2G) ata 6h (3G).Micro USB

Teclado: dispositivo táctil.Teclado QWERTY virtual

Mensaxería: SMS, MMS, Email, Mensaxería instantánea
Formatos do reproductor admitidos:

Formatos de vídeo: MPEG4 Part 2 Simple Profile, H.263, WMV
Formatos de audio: 3gp, MP3, WMA9 (.wma/.asf), WMA9 Pro / WMA 10, MIDI, AMR-NB, Professional AAC/AAC+/eAAC+
Formatos de imaxe:bmp, jpg, png, tif, wbmp

Extras: GPS con soporte A-GPS,BlackBerry Maps,3G,acelerómetro,sensor de proximidade

A Blackberry 9520 "Storm 2" presenta diversas melloras respecto ó modelo anterior, especialmente a memoria (case a duplica) e a tecnoloxía SurePress da pantalla.Para un terminal das súas características a cámara é bastante pobre e a resposta táctil aínda pode ser bastante mellorable.Na miña opinión, o modelo 9520 debería substituír ó modelo orixinal e non presentarse coma unha mellora deste.

Androides en RIM (2)

2011-10-25T07:00:00.001+02:00

Fai uns días,RIM desvelou na DevCon - conferencia de desarrolladores - como portar aplicacións de Android a Blackberry PlayBook.Os resultados non se fixeron esperar: neste vídeos os lanzadores de Android Ice Cream e de HoneyComb na tableta de Blackberry.

Máis información nos foros de crackberry

Noticias varias

2011-10-24T07:00:00.000+02:00

No día de onte viu a luz a nova versión 3.0.1.28 do Blackberry App World na Beta Zone.Segundo algúns comentarios, trataríase dunha versión de mantemento e con poucas novidades.

Parece ser que finalmente e tras varios atrasos o próximo 6 de novembro, os modelos Blackberry Bold 9900 e BlackBerry Torch 9860 poderían poñerse á venda nos Estados Unidos.O prezo aproximado dos terminais - 2 anos de contrato coa empresa AT&T - será de 199 dólares para a Bold e 99 dólares para a Torch. En Europa de momento, seguimos esperando.

¿BB Messenger en Android? As imáxenes filtradas indican que unha versión portada a este sistema operativo estase preparando.RIM nin confirma nin desminte.

Hai uns días RIM anunciou na inauguración da DevCon a presentación da plataforma BBX como sistema a empregar nos terminais futuros. Sen embargo BBX é unha marca rexistrada pola empresa BASICS International, polo que os representantes xurídicos de RIM están a traballar para solucionar este problema.

#Curiosidades 4 #

2011-10-21T07:00:00.000+02:00

Se queres poñer a túa Blackberry en modo "non molestar" (not disturb), deberás seleccionar : perfiles de audio (icona do altofalante), novo perfil (o nomearemos como " Non me molestes!" ,seleccionamos no perfil creado a opción "teléfono" e logo marcamos a pestana de "non molestar" como "si". Gardamos o perfil . Dende agora cada vez que algúen intente chamarte sempre recibirá o ton de comunicando .

Se necesitas enviarlle o PIN da túa Blackberry a outra persoa - por exemplo para agregala ó BBM - con tan só escribir “mypin”, (con teclado en inglés) ou “mipin” (teclado en español), obteremos a información do PIN do teu dispositivo.

¿Sabías que cando estás escribindo e rematas unha oración, con premer a tecla "Space" dúas veces a BlackBerry terminará a oración cun punto?

¿Odias que os correos electrónicos e os mensaxes cheguen na mesma caixa de entrada? Na pantalla de mensaxes, preme a tecla "menú" ->opcións ->configuración da lista de mensaxes principais e unha vez alí escolle as contas de correo electrónico que prefiras recibir ou descartar.

Spotify no Blackberry

2011-10-20T07:00:00.000+02:00

Spotify acaba de facer pública a beta da súa nova aplicación para Blackberry . Como sabedes,Spotify é unha empresa adicada ó streaming de música que se converteu nun referente nos últimos tempos, polo que a aplicación chega nun bo momento.

Os usuarios de redes GSM están de sorte pois de momento a aplicación está restrinxida unicamente a esa rede e ós dispositivos Blackberry 9780, 9700, 9300, 9000 e 8520.

As características incluídas nesta versión son:

Biblioteca musical de milleiros de cancións dende a Blackberry
Listas de reprodución online
Sincronización de listas
Búsqueda por artista,álbum e pistas
Recepción de música procedente dos teus amigos na bandexa de entrada

Como tódalas versións portátiles de Spotify, será necesario unha subscrición Premium (7-8 / mes), para poder gozar do servizo.

Androides en RIM

2011-10-19T07:00:00.001+02:00

Está decidido. RIM acaba de adiantar información sobre como portar aplicacións de Android ó Blackberry PlayBook.O que durante moitos meses foi un rumor agora convértese en realidade. De feito, é posible ver un pequeno adianto nun vídeo colgado en "youtube" :

Espérase que durante a Developer Conference que terá lugar do 18-20 de outubro se explique de xeito detallado como portar aplicacións de Android mediante un proceso de firma e empaquetamento da aplicación e convertendo os arquivos .APK en .BAR, formato compatible con Playbook.

Outro acontecemento moi esperado e confirmado por Jim Balsillie, co-CEO de RIM , é a "presentación" da plataforma BBX ,nova versión do Blackberry OS que incluiría a QNX.

Vía: crackberry, crackberry2

RIM recompensa ós usuarios de Blackberry

2011-10-18T07:01:00.001+02:00

A multinacional canadense decidiu no día de hoxe compensar a tódolos usuarios de Blackberry que se viron afectados polo recente "apagón" dos servidores .Deste xeito , todo indica que se ofrecerá un bono de 100 $ (72 € ) para ser gastado en aplicacións e mediante o Blackberry App World .A promoción estará dispoñible nun período de catro semanas a partir do mércores 19 de outubro e ata o día 31 de decembro. Segundo informa o comunicado oficial, entre a selección de aplicacións "premium" dispoñibles para canxear estarían:

SIMS 3 - Electronic Arts
Bejeweled - Electronic Arts
N.O.V.A. - Gameloft
Texas Hold'em Poker 2 - Gameloft
Bubble Bash 2 - Gameloft
Photo Editor Ultimate - Aplicaciones de hielo frío
DriveSafe.ly Pro - iSpeech.org
iSpeech Translator Pro - iSpeech.org
Disco Safe.ly Empresa - iSpeech.org
Nobex Radio ™ Premium - Nobex
Shazam Encore - Shazam
Vlingo Plus: Asistente Virtual - Vlingo

Por outro lado, a empresa afirma que ofrecerá un mes de soporte técnico de balde a tódolos clientes que non tiveran contratado este servizo e unha ampliación tamén dun mes ós usuarios con contrato de asistencia técnica.

Por se aínda fose pouco, Mike Lazaridis, co-CEO de RIM volveu hoxe a agradecer a súa fidelidade a tódolos clientes de Blackberry, prometendo traballar para que non volva a suceder nun futuro unha situación semellante.

Sobre a caída do servizo BB

2011-10-14T07:00:00.000+02:00

Recentemente unha inmensa maioría de usuarios de Blackberry - cerca de 70 millóns en todo o mundo - sufriron unha caída do servizo de mensaxería e correo durante aproximadamente 48horas. As causas nun comezo descoñecidas, apuntan a un erro nun conmutador -switch- no centro de datos británico de Slough.

A pesar de dispor dunha copia de respaldo teórica e funcionable, a realidade foi ben distinta: Latinoamérica,India, Oriente Medio ,Europa e África experimentaron erros parciais ou totais nas súas liñas e continuas recaídas dos servizos.

Para entender a magnitude do problema cómpre facer unha pequena reflexión:é ben sabido que a política de RIM está orientada á venda de servizos a unha cota de mercado ben delimitada - a pesar de que nos últimos anos esta cota se estendera cara un público máis novo ofertando terminais con prestacións se cadra inferiores- . Tamén é coñecido por todos que a compañía está a experimentar un retroceso debido en parte ós novos modelos equipados con Android e iOS , tecnicamente máis avanzados.¿Que é o que provoca que unha gran maioría dos usuarios de Blackberry non se migren ás outras plataformas? Precisamente iso, os servizos 'exlusivos' de conectividade en todo momento que brinda a compañía, aí a grande importancia da caída do servizo en boa parte do mundo.Desta vez,empregar os seus propios servidores para satisfacer a demanda de mensaxes de texto e correo electrónico foi o punto débil.

Mentres tanto, millóns de usuarios de Blackberry están a experimentar a través de Twitter e foros o seu enfado, especialmente pola escaseza de información oficial e pola lentitude á hora de reiniciar o servizo. De momento, a falla de máis información,as compañías telefónicas teñen a intención de compensar ós seus usuarios polas molestias ...

¿Onde está o meu coche?

2011-10-12T07:00:00.000+02:00

Seguro que en máis dunha ocasión esqueciches onde tiñas aparcado o teu coche, dende agora grazas a CarFinder non volverá a suceder.

CarFinder é unha aplicación gratuíta que permite localizar ó noso vehículo a través dun sistema GPS.O funcionamento é intuitivo: na pantalla principal podemos escoller entre:

Establecer Posición:fixamos a posición onde está o vehículo

Buscar Posición: recuperamos a posición do vehículo

Una vez fixada a posición, a pantalla "Buscar" aparece inmediatamente. Esta pantalla ten tres accións principais: Compás, BB Maps, e enviar posición.

O compás permitiranos chegar á posición onde o vehículo foi aparcado facendo uso dunha frecha e indicando a distancia lineal entre a posición GPS actual e a posición GPS gardada.

A representación das coordenadas realízase co BBMaps: nun mapa obteremos un punto coa localización do coche e outro coa nosa.

Converte a Blackberry nun mando a distancia (2)

2011-10-11T07:00:00.000+02:00

Nesta ocasión, aprenderemos como sacar -aínda máis- partido á nosa Blackberry: converteremos o teclado da Blackberry nun teclado inalámbrico para o PC.

Controlar as presentacións do PowerPoint, o volume dun vídeo no Windows Media Player ou simplemente navegar pola rede no noso ordenador a través do Blackberry será dende agora posible grazas a bluCTRL.

En primeiro lugar debemos descargar a aplicación cliente, a cal instalaremos na Blackberry.

A continuación faremos o mesmo coa aplicación servidor, que instalaremos no PC - compatibilidade comprobada con Windows XP SP2 ou Windows Vista - . Tamén será necesario ter un receptor de Bluetooth no noso ordenador -prezo non superior a 10 € - co cal faremos a vinculación inalámbrica.

Para vincular ambos dispositivos temos que activar a conexión Bluetooth na Blackberry e de seguido facer clic na esquina inferior dereita da barra de tarefas do Windows e seleccionar a opción de engadir controlador:

Agora o programa detectará á nosa Blackberry e procederá a vincular:

¡Aceptamos e xa podemos comezar a controlar o PC a distancia!

DropBox na Blackberry

2011-10-10T07:01:00.000+02:00

Dropbox é un servizo de almacenamento gratuíto que permite o almacenaxe de todo tipo de ficheiros na nube. Deste xeito, poderás acceder a tódolos teus arquivos dende calquera dispositivo que estea conectado a Internet,sendo posible compartir cos teus amigos cartafoles e ficheiros .

Inicialmente DropBox conta con 2GB de espazo de almacenamento gratuíto, aínda que existen formas de acceder a máis espazo gratuitamente : invitando amigos, sendo estudante universitario...

Dende a aplicación poderás gozar de interesantes opcións coma xerar ligazóns de descarga de ficheiros da túa conta para envialos posteriormente a calquera contacto do teléfono ou sincronización directa coa Blackberry .

¿Que Blackberry mercar? Bold 9700

2011-10-06T07:00:00.000+02:00

Redes soportadas : GSM 850/900/1800/1900 e HSDPA 900/1700/2100 ou HSDPA 850 / 1900 / 2100
Memoria:256 MB de RAM e 256 MB de espazo interno para almacenamento,slot para MicroSD ata 16 GB

Procesador: 624 MHz
Sistema operativo base:5.0 actualizable a 6.0
Pantalla:TFT a 480 x 360, 65K cores,
Cámara: 3.2 Mpx con enfoque automático, estabilización de imaxe, grabación de vídeo, flash led e zoom de 2X
Conexións:WiFi, Bluetooth, Modem anclado
Batería e cargador:Batería de 1500 mAh , 6 horas en conversación e 17 días en espera (3G) . MicroUSB
Teclado: teclado QWERTY,Trackpad
Mensaxería: SMS, MMS, Email, Mensaxería instantánea
Formatos do reproductor admitidos:

Formatos de vídeo: XviD (compatibilidad parcial), H.263, H.264, WMV3, MPEG4, Sorenson Spark & On2 VP6 (compatible con Flash)
Formatos de audio: 3gp, MP3, WMA9 (.wma/.asf), WMA9 Pro / WMA 10, MIDI, AMR-NB, Professional AAC/AAC+/eAAC+
Formatos de imaxe:bmp, jpg, png, tif, wbmp

Extras: GPS con soporte A-GPS,BlackBerry Maps,3G

A Blackberry Bold 9700 é un terminal corporativo bastante completo.Externamente herda o aspecto da Blackberry 8900 aínda que internamente esté bastante mellorada. A fluidez na xestión de contas de correo - ata 10 simultaneamente - é un punto a favor. Ausencia de radio - algo común a tódolos terminais Blackberry analizados ata agora - ou unha cámara pobre fan mella no dispositivo.

¿SO QNX 2.0?

2011-10-05T07:10:00.000+02:00

Parece ser que en pouco poderemos gozar da nova versión - 2.0 - do sistema operativo QNX , ou polo menos dunha actualización importante. Como sabedes QNX é o SO do Playbook, o tablet de RIM, e está chamado a ser o candidato que revolucionará o panorama tecnolóxico ó mesturar a compatibilidade entre Blackberry e Android.

De feito sábese que os futuros terminais Blackberry incorporarán modificacións de QNX como sistema base , por iso algúns rumores afirman que a nova versión podería chamarse BBX - Blackberry X- .

Deberemos esperar ata a DevCon deste mes para saír de dúbidas.

Vía crackberry

Converte a Blackberry nun mando a distancia

2011-10-04T07:05:00.000+02:00

Cunha Blackberry e a aplicación Garage Shadow, agora poderás abrir e pechar a porta do garaxe, a distancia e sen baixarte do coche. Debido a que emprega IR e BlueTooth, tamén será posible accionar os mandos dos equipos de audio e vídeo que existan na túa casa.

FTP coa Blackberry

2011-10-03T07:01:00.000+02:00

¿Usuario de FTP? Agora tamén dende a túa Blackberry!! BeFTP é unha aplicación que funciona como un cliente FTP, o cal nos permitirá acceder a servidores remotos e operar cos directorios e arquivos - podemos acceder ó sistema de ficheiros interno ou ó sistema de datos da tarxeta de memoria .

O programa atópase pre-configurado para conectarse ó servidor público de BEIKS , onde poderás baixar novas versións ou outras aplicacións .Tamén é posible especificar varias contas, crear listas de hosts, ou especificar portos.

BBM: Inquery

2011-09-30T12:20:00.000+02:00

¿Queres coñecer a opinión dos teus amigos sobre un tema? Agora coa túa Blackberry e a través da aplicación Inquery, é posible. O programa emprega o BBM -Blackberry Messenger - como soporte para escoller ós amigos e propoñerlles unha enquisa.

BirthdayApp: non o volvas a esquecer

2011-09-29T07:01:00.000+02:00

¿Nunca te lembras de cando é a data de aniversario da túa nai ou moza? Con BirthdayApp non terás escusa.

Esta aplicación axudarache a recordar os aniversarios de familiares e amigos dun xeito moi doado.Basta especificar as datas e os días de antelación -entre un mes e o mesmo día - para ser notificado. BirthdayApp permite importar directamente as datas dende os contactos da Blackberry de xeito que non será preciso volver a inserilas.Outro factor a ter en conta é que non se executa en segundo plano, senón que só se acenderá para o recordatorio.

Conduce seguro:DriveSafe

2011-09-28T07:10:00.001+02:00

¿Estás a conducir e necesitas saber quen che acaba de enviar unha mensaxe ou un correo electrónico? Con DriveSafe , non necesitarás despegar as mans do volante.

Esta aplicación está deseñada coa finalidade de evitar accidentes de tráfico por descoidos relacionados co teléfono. Conta cun sistema intelixente de recoñecemento e procesado de voz que permite que un asistente che lea os mensaxes.Na versión profesional tamén será posible contestalos ditando directamente ó dispositivo.

Administrando servers coa Blackberry : telnet e ssh

2011-09-27T07:10:00.000+02:00

Se tes acceso a Internet dende a túa Blackberry, xa sexa a través de WiFi , BIS ou APN estás de sorte : ¡agora poderás executar clientes telnet e ssh dende ela!

O ssh e o telnet son protocolos que permiten o acceso a máquinas remotas a través dunha rede, permitindo a administración dun equipo empregando un intérprete de comandos. A principal diferenza entre ámbolos é que no primeiro a comunicación vai cifrada, polo que unha terceira persoa allea ó proceso non podería descifrar o contido.

Antes de nada, deberemos descargar o bbssh, unha aplicación que funciona como cliente de ssh. Trala instalación , procedemos a configurar unha nova conexión:

Configuramos os parámetros de sesión : nome do host, usuario, contrasinal e o tipo de conexión -BIS,WiFi...-

Se nos conectamos ó noso propio servidor, é recomendable que asignemos un novo número de porto para que o ssh escoite as peticións de conexión da Blackberry - por defecto é o porto 22- . Para iso , en Ubuntu editamos o arquivo /etc/ssh/sshd_config e agregamos a liña : port 33333 , onde 33333 será o novo porto de escoita .Reiniciamos o servizo con service sshd restart.

Hai que ter en conta que o ssh é capaz de escoitar en dous portos simultáneamente, polo que non necesitamos eliminar a asignación do porto por defecto. Na aplicación seleccionaríamos o novo número de porto ( poderíase facer deste xeito : omeuserver.omeudominio.com:33333 ) e nos conectaríamos.

¿Que Blackberry mercar? Blackberry Bold 9000

2011-09-26T07:01:00.000+02:00

Redes soportadas : GSM 850/900/1800/1900 e HSDPA 900/1700/2100 ou HSDPA 850 / 1900 / 2100
Memoria:128 MB memoria flash, 1 GB de memoria de almacenamento. Compatible con microSD e micro SHDC ata 8 GB e ampliable con microSD ata 32GB
Procesador: 624 MHz
Sistema operativo base:4.6
Pantalla:TFT a 480 x 320, 65K cores,
Cámara: 2 MP,1600x1200, video, flash
Conexións:WiFi, Bluetooth, Modem anclado
Batería e cargador: 1500 mAh, aproximadamente 5 horas en conversación . MicroUSB
Teclado: teclado QWERTY,Trackball
Mensaxería: SMS, MMS, Email, Mensaxería instantánea
Formatos do reproductor admitidos:

Formatos de vídeo: MPEG4 (perfil sencillo y perfil sencillo avanzado), H.263, H.264, WMV3
Formatos de audio: MP3, AMR-NB, AAC-LC, AAC+, eAAC+, WMA, WMV, Flac, Ogg Vorbis
Formatos de imaxe:bmp, jpg, png, tif, wbmp

Extras: GPS con soporte A-GPS,BlackBerry Maps,3G

A Blackberry Bold 9000 queda afastada practicamente da realidade tecnolóxica: a carencia dunha cámara decente e un SO anticuado son compensadas co aumento da duración da batería ou da memoria. Este terminal aporta máis do mesmo: modem anclado,push mail, QWERTY e GPS pero sen ningunha novidade destacable.

Unboxing : Blackberry Curve 9300

2011-09-23T07:00:00.000+02:00

Bye Bye Spam

2011-09-21T07:00:00.001+02:00

¿Canso de sms e chamadas telefónicas de publicidade? Dille stop ó spam coa túa Blackberry e Mr Number Call and Caller ID .

Esta aplicación baséase en que os números entrantes -mensaxes e chamadas - poden ser clasificados e dous grandes grupos: listas negras -números non permitidos- e listas brancas -números permitidos -. Os non aceptados serán colgados automaticamente ou desviados á caixa de correo de voz .

O alto nivel de configuración permite ademais bloquear números privados ou prefixos pertencentes tanto a países ou a zoas específicas. O programa inclúe " de serie" unha lista de miles de axentes de publicidade telefónica.

Chama gratis ós Blackberry!

2011-09-20T07:04:00.000+02:00

¿Os teus amigos teñen unha Blackberry? Dende agora o pagar por falar rematou.

Tringme é unha completa aplicación de telefonía VoIP que permite facer chamadas a través de WiFi sen requirir os minutos do teu celular, polo que non é necesario dispor de un plan de datos.

Entre as diferentes opcións de configuración destaca o feito de poder programar devolucións de chamada - útil cando non poidamos acceder a redes inalámbricas - ou a de cifrado extremo a extremo.

A característica que fai que esta sexa unha aplicación especial é que as chamadas entre usuarios de Tringme son completamente gratis a través da WiFI.

BB Music : nova actualización

2011-09-19T07:10:00.000+02:00

A aplicación BB Music actualízase á versión 1.0.0.93 para tódolos usuarios da betazone de RIM.Será necesario contar cunha invitación e ser residentes en USA, Canadá ou UK.

Entre as novidades destacan:

Botón de Stop.
Mellora de rendemento: o límite elévase a 200 contactos.
Correcións de bugs

Via:Berrydroid

¿Que Blackberry mercar? Torch 9860

2011-09-19T07:00:00.000+02:00

Redes soportadas : GSM 850/900/1800/1900 e HSDPA 900/1700/2100 ou HSDPA 850 / 1900 / 2100
Memoria:768MB de RAM e 4GB de memoria interna ampliables con tarxetas MicroSD ata 32GB.
Procesador:1228Mhz
Sistema operativo base:7.0
Pantalla:táctil capacitiva a 480 x 800, 16M de cores
Cámara:5 Mp con estabilizador óptico e grabación de vídeo HD 720p
Conexións:WiFi, Bluetooth, o
Batería e cargador: 1230 mAh, aproximadamente 4.5 horas en conversación (2G) ou 6.5 horas (3G). MicroUSB 2.0
Teclado: sen teclado,Trackpad óptico
Mensaxería: SMS, MMS, Email, Mensaxería instantánea
Formatos do reproductor admitidos:

Formatos de vídeo: XviD (MPEG4 perfil simple avanzado), H.263,H.264 WMV3
Formatos de audio: 3gp, WAV, MIDI, AMR-NB, G711u/A, GSM610, PCM, MP3, AAC/AAC+/eAAC+, WMA9/10 Standard/Pro
Formatos de imaxe:bmp, jpg, png, tif, wbmp

Extras: GPS asistido(A-GPS),sensor de proximidade para auto apagado,sensor acelerómetro para auto-rotación,soporte NFC,Compás dixital.

A Blackberry 9860 é un terminal actual orientado a un público profesional. A presencia do OS 7.0 garante unha máxima integración co software ó mesmo tempo que aposta polas novas tecnoloxías (NFC, multisensores...). A pouca duración da batería para un terminal destas características e un hardware pouco punteiro non xogan ó seu favor.

Walkie-Talkie = Blackberry

2011-09-16T07:02:00.000+02:00

¿Gústache escoitar a radio ? Entón seguro que tiveches ou xogaches algunha vez cun walkie-talkie. Grazas a Blackberry e a LoudTalks volverás a gozar coma un neno falando cos teus amigos!!

LoudTalks permite que a Blackberry se comporte coma un walkie: premendo un botón poderás falar directamente cos amigos previamente engadidos. Esta aplicación require un plan de datos para o seu funcionamento polo que pode ser necesario que teñas que configurar o apn do teu Blackberry - non soporta BIS- ou empregar unha WiFi.

Shazam!

2011-09-16T07:01:00.000+02:00

Escoitas unha canción , gústache pero... ¿non tes nin idea de quen é o grupo ou artista ? Dende agora Shazam converterase no mellor amigo da túa Blackberry.

Shazam é unha aplicación cuxo funcionamento está baseado en que tódalas cancións poden ser identificadas mediante unha pegada dixital . Deste xeito, a través de diversas operacións matemáticas coma o cálculo de coeficientes de Fourier ou o algoritmo LPC , o programa identifica cada pegada e a compara cunha base de datos online. De feito bastan unhos poucos segundos de canción para que todo o proceso se leve a cabo.

Se unha canción é identificada, obteremos o nome do grupo, a carátula do albume ó que pertence e unha ligazón a iTunes para que poidamos previsualizala ou mercala.

Sen dúbida, Shazam é unha das aplicacións máis útiles e curiosas que existen actualmente para Blackberry.

Emulando xogos: Nes e GameBoy

2011-09-15T07:03:00.001+02:00

¿Apaixonado dos xogos? ¡Agora poderás volver a xogar ós clásicos da NES ou GameBoy coa túa Blackberry!

GBC é un emulador non gratuíto compatible coa inmensa maioría de xogos de GB e GBC.Entre as súas características están que admite modo en pantalla completa ou GameShark -usado para introducir os trucos ou "cheats" - . Ademais permite cargar as roms dende a propia tarxeta SD polo que non terás que empregar programas externos para facelo.Podemos personalizar totalmente a asignación de teclas .

Como alternativa gratuíta atopamos MeBoyBuilder, programa externo para ser empregado nun PC e que converte os arquivos rom en jar que deberás transferir á túa Blackberry.Neste caso, para cada xogo necesitarás un "paquete" jar.

BerryNES é un emulador deseñado en Java e compatibilizado para ser empregado na Blackberry.Incorpora no mesmo paquete ata 21 xogos (Mario Bros, Zelda, Metroid, Castlevania ou DonkeyKOng...).

¿Que Blackberry mercar? Blackberry Torch 9800

2011-09-15T07:01:00.000+02:00

Redes soportadas : Tribanda HSDPA (3G) e cuatribanda GSM/GPRS/EDGE 850/900/1800/1900MHz
Memoria:4GB de memoria interna,ampliable con microSD ata 32GB
Procesador:624Mhz
Sistema operativo base:6.0
Pantalla:táctil capacitiva de 360 x 480 (HVGA)
Cámara:5 Mpx, con flash, auto focus , estabilización de imaxe, xeo-posicionamento e zoom dixital de 2x, Grabación de video VGA (640×480)
Conexións:WiFi, Bluetooth, Modem Anclado
Batería e cargador: 1300 mAh, aproximadamente 6 horas en conversación ou reprodución de audio/video. MicroUSB 2.0
Teclado: QWERTY ,Trackpad óptico
Mensaxería: SMS, MMS, Email, Mensaxería instantánea
Formatos do reproductor admitidos:

Formatos de vídeo: XviD (MPEG4 perfil simple avanzado), H.263,H.264 WMV3
Formatos de audio: 3gp, WAV, MIDI, AMR-NB, G711u/A, GSM610, PCM, MP3, AAC/AAC+/eAAC+, WMA9/10 Standard/Pro
Formatos de imaxe:bmp, jpg, png, tif, wbmp

Extras: GPS asistido(A-GPS),sensor de proximidade para auto apagado

A Blackberry 9800 é unha das primeiras incursións de RIM no mundo dos terminais táctiles. Trátase dun terminal con poucas novidades aínda que correcto. Lonxe de ser perfecto (excesivo grosor, non graba en HD...) ofrece tódalas características que podemos esperar dunha Blackberry.

¿BB Social Game Center?

2011-09-14T07:02:00.000+02:00

¿Chatear e xogar o mesmo tempo? Vai despedíndote das aborrecidas conversacións de chat, ¡ agora poderás facelas un chisco máis entretidas con BB SocialGameCenter!

Esta aplicación intégrase no servizo de chat BB Messenger, de xeito que podes convidar a algún amigo a xogar a un xogo de mesa online. De momento non hai moitos xogos dispoñibles (damas, xadrez, 4 en liña, batalla naval e reversi ) pero de seguro que aumentan co tempo!

Asasinando aplicacións: Forse Close

2011-09-14T07:01:00.000+02:00

En máis dunha ocasión , algunhas aplicacións provocan que o Blackberry se bloquee ou se "ralentice", sendo necesario extraer a batería e reiniciar coa consecuente perda de tempo. Tamén pode suceder que o sistema multitarefa do Blackberry - o cal nos permite pasar dunha aplicación a outra de xeito "simultáneo" - se bloquee.

É posible evitar esta situación: ForseClose permitirá "matar" a aplicación que nos está a dar problemas e seguir traballando de xeito normal coas demais.

¿Entón ForseClose=Ctrl+Alt+Supr no Windows ? Sí, dun xeito parecido xa que o proceso conflitivo será terminado, aínda que por desgracia non será posible empregala en tódalas aplicacións por problemas de seguridade coa API.De tódolos xeitos é un programa máis que interesante para ter instalado nos nosos Blackberry.

¡Bailando coa fea!

2011-09-13T07:12:00.000+02:00

A través de omicrono nos chegan unhas imaxes dunha Blackberry moi especial, pois ¡ a simple vista non se pode identificar con ningunha das series coñecidas! ¿Prototipo inicial dunha Blackberry 9900 ou customización? Quen sabe...

¡Bailando coa beleza ! Blackberry 9790 Bellagio

2011-09-13T07:11:00.001+02:00

Os fornos de RIM están que non paran...e parece que nas últimas semanas algo novo se volve a cocer na multinacional canadense. Adaptada ás novas necesidades, o modelo Blackberry 9790 alias "Bellagio" está chamado a ser un dos grandes.

¿Procesador a 1.2 Ghz?, NFC, GPS, WiFi, cámara de 5Mp ou 8GB de almacenamento son algunhas das novidades deste novo terminal dotado co OS 7.0 . O confort do usuario tamén xogará un rol importante xa que a situación de elementos coma o terminal de carga, os controis de volume ou o botón de standby serán situados á esquerda, ó centro e superiormente.

De seguro que aínda esconde algunha sorpresa máis...de momento toca esperar.

Controla os teus gastos (2)

2011-09-13T07:10:00.000+02:00

Nesta segunda entrega centrarémonos en dúas aplicacións diversas aínda que co mesmo obxectivo: controlar os gastos.

ProOnGo é unha completa aplicación de xestión dos gastos diarios e compras. De feito é posible tomar nota da forma de pago (tarxeta, efectivo...) dos produtos mercados, así coma dos prezos ou a data. Destaca o feito de que podemos "escanear" ( en realidade fotografar ) directamente o ticket ou factura e importalo dende o menú principal. ProOnGo permite exportar os datos a diversos formatos coma XML ,envialos por correo electrónico ou xerar unha gráfica.

CellManager permite controlar que non nos excedamos en cada factura da cantidade de MB de navegación asignados, mensaxes SMS ou chamadas . Cunha interface sinxela podemos xestionar os cartos consumidos durante o mes e no restante e así calcular canto levas consumido /excedido. Cando alcances o teito de gasto mensual ou un número máximo predefinido de chamadas ou mensaxes , CellManager mandarache aviso. Ollo á interesante opción de xerar gráficas !!

¿Que Blackberry mercar? Blackberry Curve 9300

2011-09-12T08:30:00.001+02:00

Redes soportadas : GSM/GPRS (850/900/1800/1900),EDGE (850/900/1800/1900),UMTS (900,1700,2100)
Memoria:256 MB de memoria interna,ampliable con microSD ata 32GB
Procesador:624Mhz
Sistema operativo base:5.0 actualizable a 6.0
Pantalla:320 x 240 de tipo LCD-TFT, capacidade de mostrar ata 65000 cores
Cámara:3.2MP, sen flash, video VGA
Conexións:WiFi, Bluetooth, Modem Anclado
Batería e cargador:Li-Ion de 1150 mAh con tempo de conversación de ata 4h:30 (2G)-5h:30(3G) . MicroUSB
Teclado: QWERTY ,Trackpad óptico
Mensaxería: SMS, MMS, Email, Mensaxería instantánea
Formatos do reproductor admitidos:

Formatos de vídeo: XviD (MPEG4 perfil simple avanzado), H.263,H.264 WMV3
Formatos de audio: 3gp, WAV, MIDI, AMR-NB, G711u/A, GSM610, PCM, MP3, AAC/AAC+/eAAC+, WMA9/10 Standard/Pro
Formatos de imaxe:bmp, jpg, png, tif, wbmp

Extras: GPS asistido(A-GPS)

Este terminal é unha evolución do 8520. Mantén as características tradicionais incorporando compatibilidade coas redes 3G e A-GPS.A pouca resolución da cámara , a ausencia de radio FM ou o tamaño reducido da pantalla poden botar atrás ós compradores máis esixentes.

Controla os teus gastos (1)

2011-09-08T08:30:00.001+02:00

Seguro que máis de algún leva un pequeno susto ó ver a factura telefónica cada mes. Algunhas chamadas de máis ou un exceso de tráfico de datos - sen ter a tarifa axeitada - pode facer que o gasto habitual creza inesperadamente.

A existencia de aplicacións para os nosos Blackberry que permitan controlar as chamadas e a navegación permitirán a máis de algún aforrar algún carto. Tamén faremos mención a aplicacións para levar a conta dos gastos diarios coma compras , comidas...

Entre as primeiras podemos destacar a limetime , a cal nos permite controlar a duración dunha chamada a través de parámetros coma vibrar , desconectar automaticamente tras un tempo prefixado ou notificar mediante un ton.

Outra opción interesante, esta vez para controlar a cantidade de tráfico entrante e saínte de xeito diario ou mensual é NetworkTrafficControl

Na seguinte entrega veremos aplicacións máis completas para levar a conta de sms,chamadas ou tráfico . Tamén trataremos aplicacións xestoras de gastos, coma pode ser MoneyManager.

¿Que Blackberry mercar? Blackberry Curve 8900

2011-09-07T08:00:00.000+02:00

Redes soportadas : GSM/GPRS (850/900/1800/1900),EDGE (850/900/1800/1900)
Memoria:256 MB de memoria interna,ampliable con microSD ata 16 GB
Procesador:512Mhz
Sistema operativo base:5.0
Pantalla:480x360 de tipo TFT, capacidade de mostrar ata 65000 cores
Cámara:3.2MP, zoom de 2X , flash, autofocus, video
Conexións:WiFi, Bluetooth, Modem Anclado
Batería e cargador:Li-Ion de 1400 mAh con tempo de conversación de ata 5h:30 . MicroUSB
Teclado: QWERTY ,Trackball
Mensaxería: SMS, MMS, Email, Mensaxería instantánea
Formatos do reproductor admitidos:

Formatos de vídeo: XviD (MPEG4 perfil simple avanzado), H.263, WMV3
Formatos de audio: 3gp, WAV, MIDI, AMR-NB, G711u/A, GSM610, PCM, MP3, AAC/AAC+/eAAC+, WMA9/10 Standard/Pro
Formatos de imaxe:bmp, jpg, png, tif, wbmp

Extras: GPS

Terminal similar ó 8520 aínda que incorpora melloras coma unha maior duración da batería, tamaño da pantalla ou GPS.A presenza de trackball na contra de trackpad ou a ausencia de 3G son puntos a ter en conta.

Curiosidades #3#

2011-09-06T08:30:00.000+02:00

Para entrar no menú de enxeñaría dun terminal Blackberry debemos facer os seguintes pasos: ir á "Pantalla de axuda", pulsar a combinación alt + shift esquerda+h . Apareceremos nun menú oculto no que debemos anotar o valor do tempo de actividade(uptime) . A continuación descargamos a aplicación BBEscreen e enchemos o formulario cos datos solicitados.

Por último seleccionamos o tempo de duración que queiramos e pulsamos en get key. ¡¡ Non modifiques nada xa que o teu Blackberry podería non acenderse máis!!

Cando a batería da Blackberry está a piques de esgotarse non é posible facer chamadas (unicamente chamadas de emerxencia ó 112) , xa que a radio permanece desactivada .É posible enganar ó dispositivo para poder usar a carga restante nunha chamada, mail ou mensaxe .Para iso debemos chamar ó 112 e pulsar o botón de colgar repetidamente para evitar que esta se produza. Deste xeito a radio permanece activa para poder recibir/facer chamadas.

Podemos saber se unha Blackberry está liberada seguindo os seguintes pasos:Opcións, Opcións avanzadas, Tarxeta Sim e escribir MEPD ( os usuarios das series 71xx e 81xx deberán introducir MEPPD). Se tódalas entradas aparecen marcadas coma desconectadas, significará que o terminal está liberado.

Para escribir unha letra en maiúscula, tradicionalmente debemos premer a tecla shift + letra desexada. Un atallo é pulsar directamente a tecla durante uns segundos.

Podemos sacar fotos de xeito moito máis rápido se prememos o botón da cámara (lateral dereito do Blackberry) duas veces consecutivas.

¿Que Blackberry mercar? Blackberry Curve 8520

2011-09-05T10:15:00.002+02:00

Redes soportadas : GSM/GPRS (8850/900/1800/1900). EDGE (8850/900/1800/1900)
Memoria:256 MB de memoria interna,ampliable con microSD ata 16 GB
Procesador:512Mhz
Sistema operativo base: 4.6
Pantalla:320x240 de tipo TFT, capacidade de mostrar ata 65000 cores
Cámara: 2 MP, flash,zoom 5X, grabación de vídeo
Conexións:WiFi, Bluettoth, Modem Anclado
Batería e cargador:Li-Ion de 1150 mAh con tempo de conversación de ata 4h:30 . MicroUSB
Teclado: QWERTY ,Trackpad
Mensaxería: SMS, MMS, Email, Mensaxería instantánea
Formatos do reproductor admitidos:

Formatos de vídeo compatibles: MPEG4, H.263, H.264, WMV3
Formatos de audio compatibles: AAC-LC, AAC+, eAAC+, AMR-NB, WMA9 (.wma/.asf), WMA9 PRO/WMA 10, AAC-LC
Formatos de imaxe compatibles: bmp, jpg, png, tif, wbmp

Terminal "de moda" entre as grandes operadoras. Dispón de tódalas funcionalidades básicas que ten que ter un smartphone coma acceso as redes sociais ou chat . A falta de compatibilidade con redes 3G de alta velocidade ou GPS son aspectos que poden botar atrás ós usuarios máis esixentes.

¿Que Blackberry mercar? (1)

2011-09-05T10:10:00.002+02:00

Esa é unha das principais preguntas que todos nos facemos e que ultimamente, coa chegada de novos terminais non é tan doada de resolver. Dende hai certo tempo, podemos atopar nos catálogos das operadoras de telefonía unha ampla gama de terminais Blackberry, a meirande parte deles con características aparentemente moi similares.

Dende Mallando na Blackberry faremos unha review sobre os principais modelos que podemos atopar e as súas características principais:

Serie Curve

Blackberry Curve 8520
Blackberry Curve 8900
Blackberry Curve 9300

Serie Torch

Blackberry Torch 9800
Blackberry Torch 9860

Serie Pearl

Blackberry Pearl 9105

Serie Bold

Blackberry Bold 9000
Blackberry Bold 9700
Blackberry Bold 9780

Serie Storm

Blackberry Storm 2 9520

Sistemas operativos híbridos (3)

2011-09-03T10:26:00.000+02:00

Nesta última entrega explicaremos as principais vantaxes/desvantaxes do uso dun sistema operativo híbrido e a configuración básica.

Vantaxes:

permite optimizar as prestacións do smartphone como as fugas de memoria e batería ou os tempos de inicio/apagado
todo o mundo pode colaborar na creación dun híbrido formando parte de grupos de traballo
erros coma o fixSOS son solucionados sen empregar aplicacións de terceiros
podemos incorporar aplicacións a prior non deseñadas para o noso terminal e novas versións delas
maior personalización (temas, aplicacións...)
permite coñecer mellor o funcionamento do noso terminal ó traballar directamente con arquivos COD e de configuración

Desvantaxes:

Un usuario con mala intención podería modificar un sistema operativo híbrido para obter información

Non sempre se consegue a estabilidade desexada (erros en aplicacións e reinicios inesperados ...)
O Blackberry no peor dos casos podería non chegar a iniciarse (nuked so)
Soporte e actualizacións non están garantidas. Non existe soporte oficial

A configuración básica realízase do mesmo xeito ca un sistema operativo oficial.Basta con premer no "asistente de configuración" no menú configuración e seguir as recomendacións paso a paso.

puZZed ,a alarma definitiva

2011-09-03T09:30:00.000+02:00

¿Cantas veces quedamos a durmir na contra de erguernos co espertador? Agora coa túa Blackberry e con puZZed, iso será cousa pasada.

Esta aplicación , que a simple vista aseméllase ó clásico espertador, dispón dunha característica especial chamada "xogo" , que é o que nos fará espertar se non queremos volvernos tolos co ton de timbre.

Tras programar o día da semana e a hora, procederemos a seleccionar entre os xogos dispoñíbeis - pódense mercar máis - na versión gratuíta: "math game" (xogo de matemáticas) ou "typing game" (xogo de ditado) . O primeiro consiste nun conxunto de operacións matemáticas que deberemos resolver mentalmente para apagar a alarma, mentres que o segundo trata de escribir un texto nun tempo determinado.

A diversión e o espertar están asegurados. A ligazón de descarga puzzed

¿Blackberry AppWorld?

2011-09-02T10:20:00.000+02:00

O AppWorld é para os usuarios dunha Blackberry o que o AndroidMarket para os de Android, é dicir, unha plataforma na rede a través da cal podemos buscar,actualizar,comprar, probar , engadir ou eliminar aplicacións para o noso dispositivo - aínda que non é a única opción de poder facelo - .

Unha das características destacábeis é que as aplicacións atópanse organizadas a varios niveis en forma de canais.

O primeiro nivel é o temático, que permite diferenciar a función de cada aplicación. Deste xeito existen canais de xogos, temas, navegación ou produtividade.
Cada canal pódese clasificar en función de parámetros coma aplicacións gratuítas, de pago, mellor valoradas ou novidades .
Cando descargamos unha aplicación, queda engadida ó canal "My World", deste xeito podemos xestionar ,valorar ou actualizar as aplicacións descargadas.

Na actualidade, o AppWorld está na versión 3 -aínda en probas- .Podedes baixalo na seguinte ligazón AppWorld.